Akafist k svjaščenomučenikovi bl. Pavlovi, OSBM (v rusínskom jazyku)





Ikos III.
 
Kondák (hol.: 3)
Svjaščenstvo ty prijav v Prjašivskij katedraľi,* de ťa vysvjatyv svjatiteľ Joan Vaľij.*
A po časi tebe, molodoho dušpastyrja,* prijali do Mukačevskoho monastyrja,*
a tak, zajedno z Božym planom,* ty stav sja monachom - vasilijanom.*
Tot Čin monachiv zato Bohu ďakuje** spivom anheľskoj pisňi: Aliluja.
 
Aliluja, aliluja, aliluja
 
Ikos (hol.: 3)
Otče Petre, ty napovnenyj Božym strachom* už jak svjaščenik stav sja monachom.*
Teper maš imena verchovnych apostoľiv,* stojiš z nima pri nebesňim prestoľi.*
Vypros od Otcja všytkych otciv* poklikaňa pro našych chlopciv,*
naj sja stanuť svjaščenikami i monachami** i tak ťa proslavľajuť vjedno z nami:
 
Raduj sja,  slavo Čina Vasilijaňskoho,
Raduj sja,  nasľidovniku Vasilija Velikoho,
Raduj sja,  natchnenyj misionarju,
Raduj sja,  chvorych duš ľikarju.
 
Raduj sja,  okraso vasilijaňskych monastyriv,
Raduj sja,  svitlo našych dušpastyriv,
Raduj sja,  otče z nebom zvinčanyj,
Raduj sja,  brate Pavlom nazvanyj.
Raduj sja,  vladyko serdcja zlatoho!

text: p. Jozef Kudzej, Ňagov (okr. Medzilaborce)
vydal: Obščestvo sv. Joana Krestiteľa (Spolok sv. Jána Krstiteľa) 2006

Pre Slovenský rozhlas v júli 2006 naspievali:
o. Ján Blaško, protopresbyter medzilaboreckého protopresbyterátu
Sergej Smetanka s manželkou
Jozef Kudzej
Jozef Kosť s manželkou